Per Ne

Support Groups Kosova (SGK) u themelua në vitin 2021 nga Rita Zhubi, Nol Musa dhe Adhuresa Sylejmani, të cilët ndanë një vizion të përbashkët për ta bërë mbështetjen emocionale të qasshme, kolektive dhe pa stigma. Ideja lindi nga përvoja personale dhe nga kuptimi se shërbimet e shëndetit mendor në Kosovë ishin të kushtueshme, të përqendruara në qytete dhe të kufizuara në terapi individuale. Grupet e para — për ankth dhe depresion, mbështetje për LGBTQ+ dhe mbijetuarit e ngacmimeve seksuale — u krijuan përmes vetëfinancimit dhe punës vullnetare. Sot SGK zgjerohet me bashkëpunëtorë si QIPS dhe donatorë si CDF dhe Ambasada e Suedisë, duke rilançuar grupin për ankth dhe duke përgatitur grupe të reja për menopauzën dhe lodhjen nga aktivizmi.